Tuki-a'n stapled visa buaina chinfel duh

Arunachal Pradesh mi China tlawh tumte hnena China thuneitute'n stapled visa an pek ṭhin avanga an harsatna chungchangah Chief Minister Nabam Tuki chuan sorkar laipui chu an harsatna chinfelsak turin a ngen nawn leh.

Chief Minister Tuki chuan hemi chungchang hi state sorkarin sorkar lai­­puiah vawi eng emaw zat a thlen tawh thu a sawi bawk.

"Indian kan ni hma­sa a, chu mi hnuah Arunachal Pradesh mi kan ni. China nen ramri kilometre 1080-a thui kan inṭawm a, Arunachal hi India ram ngei a ni," a ti.

Kum 2008 khan China chuan Arunachal leh Jammu and Kashmir mite hnenah stapled visa a pe ṭan a, kum 2009, November khan sorkar laipui chuan stapled visa chu a pawm theih loh tiin a hnawl a, hei vang hian China tlawh tum Arunachal mite chu airport-ah dan an ni ṭhin.