NSCN (K) hotu India rama hruai luh tum

Nationalist Socialist Council of Nagaland- Khaplang (NSCN-K) helpawl hotu, SS Khap­lang chu sorkar laipuiin India rama hruai luh a tum.

Ministry of Home Affairs (MHA) official chuan he thu hi sawi­in, Khap­lang chu Myan­mar khua leh tui ni mah se India rama pawikhawihna thlentu a nih avangin India rama hruai luh kan duh a ni, a ti.

Khaplang-a leh a pawlte hian sorkar laipui nena inkahhai thuthlung an tihtawp laiin Myanmar sorkar chu remna thu­thlung a ziahpui tho a ni, tiin official chuan a sawi a, June 4-a Manipur Chandel district-a army 18 thihna thubuaiah National Investigation Agency (NIA)-in Khaplang chu a mawhphurtua a puh thu leh India rama a thubuai ngaihtuah a nih theih nan Myanmar sorkar hnenah India-in ngen a tum thu a sawi bawk.