RSS-in CPI-M MLA man an phût

Tripura-a Rashtriya Swa­yamse­vak Sangh (RSS) activist te chuan kar kalta Inrinni khan Agartala-ah an lungawi lohna lantir nan kawng an zawh a, ro­rellai CPI-M MLA man an phût.

Nalchar Assembly bialtu MLA Tapan Das chu RSS ac­tivist pahnih ruboah puh a ni a, hei vang hian thubuai siam­saka man an phût a ni.

RSS National Executive Ranendra Lal Bandhyapadhya chuan CPI-M leh Chief Minister Manik Sarkar chu vauin, demo­cracy kalphung palzutna chu enliam mai an tum loh thu a sawi.

"Kum 22 Tripura-a ro an rel chhungin CPI-M chuan Tripura chu Left party rorelna tur chauh a ni lo tih a lo theih­nghilh hman a ni. CPI-M chu anmahni thlawp lotute chungah nunrawng takin an che ṭhin a, vawi eng emaw zat thisen an chhuah tawh a ni," tiin Ban­dhyapadhya chuan a sawi.

Tripura, Mizoram, Manipur leh Cachar biala RSS hotu, Mahindra Sharma chuan Tripura police te chu CPI-M leh Chief Minister tihlawm nan RSS mi leh sate chunga dik lo taka rorelna hlenchhuah chingah a puh bawk.

CPI-M MLA Tapan Das-a laka FIR an thehluh aṭangin ni ruk hnuah pawh police te chuan thubuai chu an bawhzui duh lo a, hetihlai hian CPI-M chuan RSS chu thubuai dik loa ziaklutah a puh let thung a ni, tiin Sharma chuan a sawi bawk.