Punjab-a tualthah thubuaiah Nagaland aṭangin mi 2 man

Punjab-a Anti-Gangster Task Force (AGTF) ​​chuan Batala police, central agency leh Nagaland Police-te nen ṭangkawpin, September 9-a Punjab-a Batala khuaa mi pakhat thahnaa inhnamhnawiha puh mi pahnihte chu Nagaland-ah an man.

Punjab director general of police (DGP) Gaurav Yadav chuan mi pahnihte Kohima-ah man an ni tih sawiin, Batala khaw mi ve ve an ni tih Pathianni khan a sawi. An pahnih hian Cheema Khudi, Batala-a cheng, block samiti member ni bawk Jugraj Singh kahhlumnaa inhnamhnawiha rinhlelh an ni.

Yadav chuan chhui chianna an neihah he inthahna hi rampawn lam mi, misual rual (gangster) Jaswinder Singh, Mohammad Yasin Akhtar, leh Gopi Nawansheharia-te thupek hmanga tih a nih thu a sawi. DGP chuan an mi mante hi Nagaland court aṭanga transit remand an hmuh hnuah Punjab-ah hruai nghal an ni tih a sawi.

Director general of police (ADGP), AGTF, Promod Ban chuan thu rintlak tak an dawn hnuah, DSP (AGTF) ​​Rajan Parminder kaihhruaiin AGTF police team, Batala Police, central agency leh Nagaland Police te thawk ho chuan mi pahnihte hi Kohima-a New Market-a Hotel Broadway aṭangin man an ni tih tarlangin, he thubuai hi chhui zui zel a nih thu a sawi bawk.