Arunanchal Pradesh : Oju hydroelectric project thawhna phalna pe

Arunachal Pradesh-a Upper Subansiri district, China nen an inrina hmuna MW 2,220 Oju hydroelectric project thawhna turah union environment ministry-a expert appraisal committee chuan phalna a pe ta.

India rama run-of-river hydro project lian ber tur zinga mi,Oju hydroelectric project hi Rs vbc 25,000 vel senga thawh a ni dawn a, kum 5 chhunga zawh fel hman tum a ni. Zawhfel a nih hunah India rama hydroelectric project lian pathumna a ni dawn a, a aia lian pahnih MW 3,087 Etalin leh MW 2,880 Dibang project-te chu Arunachal Pradesh-ah vek hian thawh a lo ni tawh a ni.

Oju hi Subansiri luia tuikhuah lian ber a ni a, metre 100-a sang concrete gravity dam bakah km 14-a thui headrace tunnel leh leihnuai powerhouse complex sak tel a ni ang. Expert appraisal committee-in tun thla tira sak phalna a pek hnuah, a thawk turte chu 'glacial lake outburst floods' dah tel turin a hriattir a, hemi hmang hian tuilian tur venna, a hun taka inhrilhhriatna pek chhuah a ni thei dawn a, mipui vantlangte tuilian thleng tur lakah an inralring phah thei dawn a ni.