Meghalaya BSF-ten bungraw tawlhruk Rs vbc 39 hu man
Border Security Force (BSF), Meghalaya Frontier-a duty-te chuan kum 2020 chhung khan ramri kaltlanga dan phal loh bungraw tawlhruk tum, cheng vaibelchhe 39 hu an man tih Inspector General Hardeep Singh chuan a sawi.
Shillong-a BSF headquarters-a press conference a neihah, Singh chuan BSF-te hian dan kalha thil ti mi 171 an man bakah, a rukah ramri kan tum mi 16 an man tel bawk a ni, a ti.
Bungraw tawlhruk tum mi 171 an man zingah hian 167 chu India mi niin Bangladesh mi pali an tel bawk. Phalna nei loa ramri kan tum an man zingah India mi pali, Bangladesh mi pakua leh Nigeria mi pathum an tel bawk. Meghalaya ramri hi hmun ṭhenkhat la hung loh leh tlang chhengchhe tak a nih avangin dan loa bungrua tawlhruk tum, abikin bawng leh ruihhlo lam chi tawlhruk tumten an chetla fo a ni. BSF-ten hian India aṭanga Bangladesh-a bawng tawlh luh tum pawh 10,000 chuang an man bawk.
Singh chuan Meghalaya-Bangladesh border, kum 448-a thui zinga 70% chu hung a ni tawh tih a sawi a, la hung loh la awmte pawh hung fel thuai a nih theihna turin hma lak mek a ni a, Bangladesh sorkar aṭangin phalna an neih a ngai a, hei pawh hi an dawn thuai an beisei tih a sawi.