Assam sorkarin ar lakluh khap

Assam sorkar chuan state ṭhenkhatah arva pul hri, bird flu a len mek avangin state khawthlang lam ramri kaltlanga ar lam chi lakluh a khap lailawk. 

State animal husbandry and veterinary department chuan hemi chungchangah hian thuchhuah siamin, Assam leh hmarchhak state dangah bird flu lut tur venna atan khawtlang lam ramri kaltlanga ar lam chi lakluh khap a nih thu hi a tarlang.

Assam State Zoo chuan kar liam ta aṭang khan sahuana ramsate ei turin arsa pek ṭhin chu a lo titawp tawh bawk a, sa dang  pek an nih thu thuneitute chuan an sawi. Meghalaya leh Nagaland-ah pawh an state-ah bird flu a luh lohna turin hma an la nghal bawk a ni. Bird flu hi Kerala, Himachal Pradesh, Madhya Pradesh, Haryana leh Rajasthan-ahte a leng mek a, ar leh sava lam chi tam tham tak an thi tawh a, he hri hi sava pem chi aṭanga darh nia hriat a ni.