Nagaland University professor 4 world's top 2% scientist zingah tel

Stanford University, US-in a buatsaih, world's top 2% scientist zingah Nagaland University professor pali an tel.

Ranking hi composite citation index (c-score) hmanga siam a ni a, bibliometric indicator paruk aṭanga lak chhuah niin, chung zingah chuan total citation, h-index, leh citations to first, last, or single-author paper-te pawh a tel a ni. Faculty member thlan chhuahte chu Prof. Ambrish Singh, Department of Chemistry; Prof. Joginder Singh, Department of Botany; Prof. Prabhakar Sharma, Department of Agricultural Engineering and Technology, leh Prof. Pranav Kumar Prabhakar, Department of Biotechnology-te an ni.Varsity thuchhuahin a tarlan danin, Prof. Ambrish Singh (Chemistry) leh Prof. Pranav Kumar Prabhakar (Biotechnology) te chu Career-Long Top 2% Scientists category-ah pawh an tel a ni.

Nagaland University vice chancellor Prof. Jagadish K Patnaik chuan faculty-te chungah lawmthu sawiin, faculty member-te an chhuan thu leh, an thawhhlawkna avangin Nagaland University chu khawvel hriatah an pholang a ni, a ti.

Stanford University leh Elsevier-te buatsaih, 'World’s Top 2% Scientists' hi khawvel huapa researcher ṭha leh nghawng nei liante chawimawina a ni. Nagaland University bakah Indian Institute Of Management (IIM), Lucknow faculty member panga pawh thlan an ni bawk.