Manipur : Sorkarin ruihhlo kg 644.47 tichhia

Manipur sorkar chuan state-of-the-art Shija Common Biomedical Waste Treatment Facility, Lamdeng, Imphal West District-a Drug Disposal Programme neihah ruihhlo an man khawm sa kg 644.47 an tichhia.

Ruihhlo tihchhiatte hi ram pawn market-ah Rs vbc 1,500 aia to man hu niin, kum kal taa hmun hrang hrang aṭanga an man khawm a ni tih official-te chuan nimin Pathianni khan an sawi. Inrinnia an hun hman hi drug disposal programme thawh hnihna niin, ruihhlo tih chhiat zingah hian heroin powder kg ruk, brown sugar kh 87, WY tlablets kg 22, SP capsules kh 0.047, pseudoephedrine kg 36 leh, ganja kg 182-te an tel. Manipur DGP Rajiv Singh chuan ruihhlo awm lohna, drug-free Manipur siam an tum thu leh, hemi atana an hmathlir neihte a sawi. Ruihhlo leh a kaihhnawih zawrh, bakah hman sual kawnga nasa taka hmalatute a fak thu sawiin, mipuite chu ruihhlo zuar leh tawlhru ṭhin an hria a nih chuan police hnenah thlen vat turin a chah bawk.

Kumin January 25-a drug destruction programme thawh khatna neihah, police-te chuan ruihhlo an man khawm sa kg 314.471 a lo ti chhe tawh bawk a ni. Ruihhlo an tih chhiatte hi heroin power kg 9.884, brown sugar kg 244.409, WY tablets kg 26.239, SP capsule gram 661, N-10 tablet gram 493, pseudoephedrine tablet gram 505 leh ganja kg 32.280 te an ni.