AP sorkarin Assam Agriculture University inremna ziahpui

Arunachal Pradesh sorkar chuan an state chhunga agriculture sector tihchangtlunna turin Assam Agriculture University (AAU) chu thawhpui turin inremna a ziahpui. 

Memorandum of Understanding (MoU) hi Arunachal Pradesh deputy chief minister Chowna Mein leh AAU vice-chancellor Dr Bidyut C Deka-ten an ziak a ni. Deputy CM Mein hi state agriculture director Anong Lego bakah department-a officer ṭhenkhatin an ṭawiawm bawk. 

Meeting-ah AP-a agriculture lama hmakalna tihlenna tura inkaihhruaina kalpui dan turte leh scientific  method hman dan turte sawiho a ni. AAU VC Dr Deka chuan an university chuan AP agricultural sector tihchangtlunna turin theihtawpin a puih tur thu a sawi. 

Kum 2020 kumtir lam khan AAU leh Namsai KVK chuan Khamti lahi chi hrang 10 chingin an lo enchhin dun tawh bawk a ni.