Meghalaya : Shillong airport tihzauh tur tualchhung mipuiin thlawp

Meghalaya-a Umroi leh a chhehvela cheng mipui leh khawtlang hruaituten October 7-a public hearing an neihah, Shillong Airport tihzauh tumna chu an thlawp tih an sawi. Meghalaya State Pollution Control Board buatsaiha thlawhtheihna lian zawk ṭum theihna tura tihchangtlung tum a nih chungchang sawi hona neihah he thu hi an sawi a ni.

Khawtlang aiawha telte chuan airport tihchangtlung chuan sumdawnna lamah a pui dawn tih an sawi a, intlawhpawh a awlsam dawn tih an sawi bawk. Thuneitute chu hnathawh tur awm apiang tualchhung mipuite thawh tir turin an ngen nghal bawk. Airport hotute chuan khaw bul hnaia awmte chu semi-skilled leh unskilled position-ah an duhsak dawn tih an sawi.

Airport tihzauhna tur hian Rs vbc 500 sen a ngai dawn a, airport zau zawng sq m 5,000 aṭangin sq m 10,500-ah a tihzauh tum a ni. Runway chu meter 1,829 aṭangin metre 2,400-ah tihzauh a ni dawn a, Airbus A320-te an ṭum thei tawh dawn a ni. Project hi thawh zawh a nih hunah chuan A320 thlawhtheihna panga a service nghal dawn a, Mumbai, Bengaluru leh Chennai-ah te direct flight a awm thei dawn a ni.

Airports Authority of India-a official-te chuan runway, taxi leh terminal building pawh thawm ṭhat a ni dawn tih an sawi. Tender kalpui mek a ni a, thawh ṭan a nih aṭanga thla 18 hnuah peihfel hman beisei a ni bawk.