Manipur-ah Chanchinbu tichhuak lo

Manipur-ah chuan Rs 500 leh Rs 1,000 note thiin nghawng nei zelin, pawisa nawi indaih lohna avangin kar kalta Zirtawpni leh Inriinni khan Newspaper tih chhuah a ni lo.

Kar kalta Ningani khan Newspaper Publishers’ Association, All Manipur Newspaper Sales and Distributors Association leh Editors’ Guil-te chuan Hueiyen Lanpao office-ah joint meeting neiin, sum harsatna avanga chanchinbu tihtawp lailawk hi an rel a ni. Pawl pathumte hian pawisa nawi duh ang tawk hmuh tur a awm loh avanga harsatna an tawh thu sawiin, lungawi lohna lantirin nawrh an huaihawt bawk. Sorkar chu mipuite harsatna sutkian nana hma la tura an ngen thu sawiin, mipuite chu an hmalakna ngaichang turin an ngen.