ULFA (I)-te'n Army Convoy lambuntu an nih thu an sawi

Assam-a Tinsukia dis-trict-ah kar kalta Inrinni khan helhoin sipai an lambun a, mi pathum an thih bakah, midang pali-in hliam an tuar. He thil thleng hi helpawl, United Liberation Front of Assam (Independent) te chuan an tih a nih thu an tarlang.

15 Kumaon Regi-ment-te hi hel te hian kawngpuiah chilpuah bomb kamin Burhi Dihing-ah sipaite hi an lo lambun a ni. A hmunah mi pathum an thi nghal a, midang pali-in hliam na tak an tuar a, an zinga pakhat chu a dinhmun a ṭha vak lo nia tarlan a ni. He pawikhawihnaah hian ULFA (I) te chuan a bultumtu an nih thu sawiin, Coordination Committee (CorCom) bakah an thurualpui - Peoples’ Revolutionary Party of Kangleipak, Peoples’ Revolutionary Party of Kangleipak (Progressive), Revolu-tionary Peoples Front leh United National Liberation Front te chu he thilah hian an inhnam-hnawih nia tarlan a ni.

Police-te chuan helho chetna hi Tinsukia district-a ramngaw chhah laiah a nih thu sawiin, chilpuah bomb a puah hnu hian silai puak nghalin, hel leh sipaite chu hun eng emaw chen an inkap zui tih an sawi. Hel zingah hian thi an awm hriat a ni lo a, an insaseng hman niin an sawi. Army convoy-te hian Pengeri aṭanga Digboi pana an kal laiin, Upper Dihing Reserve Forest-ah Inrinni zing dar 5.30 vel khan beih an tawk niin Assam Director General of Police Mukesh chuan a sawi.

Hetih lai hian Tinsukia district Superintendent of Police Mugdhajyoti Dev Mahanta chuan pawikhawihna thlengah hian National Socialist Council of Nagaland (Khaplang) - NSCN (K)-te chu an inhnamhnawih ve ngeia an hriat thu sawiin, hel te hian Rocket Propelled Grenade (RPG), AK-47 rifle leh mortar-te an hmang niin a sawi. Kar kalta Nilaini vek khan Pengeri leh Doomdooma inkarah hel te chuan lirthei an lo bei tawh bawk a, mi pakhat a thih bakah midang pathum an hliam a ni.

Union Home Minister Rajnath Singh chuan helte pawikhawihna a thleng leh ta chu pawi a tih thu sawiin, hemi chung-changah hian Assam Chief minister Sarbananda Sonowal pawh a biak tawh thu a lo sawi tawh a ni. Sarba-nanda Sonowal pawhin sipai thi chhungte a tawrhpui thu sawiin, hliam te pawh dam leh thuai tura a duhsak thu leh pawikhawihtute chu na taka chhan let an nih tur thu a sawi.