Meghalaya : Thamna sum latu official 3 man

Central Bureau of Investigation (CBI) chuan Meghalaya-a postal department official pathum chu thamna sum an lak avangin a man. An mante hi Williamnagar, East Garo Hills-a Assistant Branch Postmaster leh Sub-Division Inspector bakah Rongjeng Sub-Post Office-a Postman te an ni.

CBI hian Gram Dak Sevak, Block Post Master, Rongjeng Sub-Post Office aṭanga complaint an dawn avangin mi pathum lakah hian October 4 khan thubuai an lo ziak lut tawh a ni. Complain thehluttu Assistant Branch Postmaster hian a thla 10 hlawh a hrensak hnuah, a pek chhuah dawn chuan thla hnih hlawh chu pe turin an phut tih a sawi. An inbiak hnuah Rs 30,000 pek a remti a, hei hi CBI hriattirin anni hian thamna an inpe lai hi changin an man ta ani. A hnuah he thila inhnamhnawiha puh dang pahnihte hi an man leh bawk.

CBI chuan thamna laa puhte chenna leh an office-te an dap zui a, document dik lo leh pawisa fai, Rs 2,30,000 an man bawk a ni. Thamna sum phut leh inpek chungchangah thawktu dang inhnamhnawih an awm leh awm loh pawh chhui zui mek a ni.