Nagaland : Sorkarin CBC thawhpui

Nagaland sorkar chuan an state-a civil service training ṭha zawk an neih a, Mission Karmayog kalpuina tura Capacity Building Commission thawhpui turin Nilaini khan memorandum of understanding (MoU) a ziahpui. Inremna ziah rual hian Mission Karmayogi workshop neih a ni nghal bawk.

Kohima-a Capital Convention Hall-ah thawh dunna tur inremna hi ziakin, chief secretary Sentiyaner Inchen chuan Mission Karmayogi chu kum 2020-ah sorkarin a siam niin, mipui hnena service ṭha leh rintlak pekna tur training pekna tura tih a ni tih a sawi. iGOT Karmayogi platform kaltlangin officer-te chu digital lam hriatna ṭha zawk leh rorelna kawnga remhriatna leh thiamna ṭha nena thuam an ni dawn tih a sawi. State tam zawk chuan an official-te training pekna turin CBC hi an thawhpui tawh hlawm tih a sawi bawk.

Inchen chuan department tinte chu training ngai pawimawh tura chahin, inrelbawlna ṭha a awm theihna tura investment pawimawh tak angah ngai turin a ti a,CBC an thawhpui theih dawn avangin lawmthu a sawi bawk a ni. Office tam takin state pawn lamah training neih an hreh ṭhin a, hei vang hian iGOT hmang hian state chhung district hla zawka official-te pawhin inzirna ṭha tak an nei thei dawn a ni, a ti. Mission Karmayogi hlawhtlinna chu department-te tel ṭhat leh ṭhat lohah a innghat tih sawiin, ngai pawimawh turin a chah.