Nagaland CM-in state budget pharh

13th Nagaland Assembly session neih mekah Ningani khan finance portfolio changtu, chief minister Neiphiu Rio chuan kum 2020-21 state budget a pharh. 

CM Rio chuan 2019-20 financial year-a sum an indaih lohna chu cheng vaibelchhe 123.96 vel tura chhut a ni tih a sawi. 2020-21 fiscal year pawh negative opening balance in a inṭan dawn a, hei vang hian fiscal year tawpah pawh negative balance Rs vbc 2358.81 vel zet a tling dawn niin a sawi. 

Kum 2020-21 chhunga sum lakluh chu Rs vbc 20,826.02 tura chhut niin, sum hman ral erawh Rs vbc 21,049.87 tura chhut a ni thung. 

CM chuan kum 2019-20 chhunga chhiah aṭanga sum hmuh tura beisei chu nasa takin a tlahniam tih a sawi. Central tax aṭanga state chanpual aṭanga sum hmuh tur chhut, Rs vcb 4,206 chu Rs vbc 3,267 ah a tlahniam a, hei hian kum 2019-2020 chhung state sum indaih lohna pawh nasa takin a tihsan phah a ni, a ti. 

Rio chuan budget tharah hian chhiah lakna tur thar a siam. Khawl lian chi, non-transport vehicle leh equipment-te chu state chhunga mi lei a nih chuan kum 10 chhung chu registration tihna atan an leina man aṭanga 3% chu chhiah an pek a ngai dawn a ni. Kum 10 hnuah chuan chhiah pek ngai hi an leina man aṭangin 1% ah a tla thla tawh thung ang. 

Petrol-a chhiah lak ṭhin pawh 20.30% aṭangin 25% ah tihsan a ni a, diesel-a chhiah lak chu 10% aṭangin 14.5% ah tihsan a ni bawk. He rate thar hi zanin zanlai aṭangin hman ṭan nghal a ni ang. 

CM-in budget a pharhah kum 2020-2021 chhung atana sum an hmuhna leh hmanna tur a tarlante chu:-