Presidents' Rule hnuaiah dan leh thupek dinhmunin hma sawn: Manipur ex-CM

Manipur chief minister hlui N Biren Singh chuan state-a Presidents' Rule hman a nih aṭangin dan leh thupek dinhmunin hma a sawn tih a sawi. He thu hi October 14-a BJP MLA 25-te nena New Delhi an zin haw, Imphal Airport-ah thuthar lakhawmtute a kawmnaah a sawi.

Mipui sorkar thar din theih dan tur chungchang an zawhna chu Singh chuan thutlukna chu BJP hruaitute kutah a awm tih a sawi. BJP chu regional party ni loin national party a ni a, helai hmuna thutlukna siam theih a nih loh thu leh, hruaitu lute hnenah thlen a, thutlukna pawh national level-ah siam a ngaih thu a tarlang.

Singh leh MLA-te Delhi an zin hma khan prime minister Narendra Modi leh union home minister Amit Shah-te chu Manipur dinhmun sawipui tur leh, mipui thlan sorkar a awm theihna tur chungchang sawipui tura hmuh an tum nia sawi a ni. Sorkar laipui chuan thutlukna an siam a hun tawh tih sawiin, community hrang hrang aiawhte pawhin Union Ministry of Home Affairs nen inbiakna an nei tawh thu sawiin, state-ah mipui thlan sorkar a awm thuai a ṭul tih Singh chuan a sawi a ni.