Tripura : Zirna tihhma- sawnna tur scheme thar 21 siam tawh

 

Tripura-a BJP kaihhruai sorkar chuan an state-a zirna tihhmasawnna turin thla 23 kalta chhung khan scheme thar 21 a siam tawh tih chief minister Biplab Kumar Deb chuan a sawi. 

CM Deb chuan, "Eng state sorkar dang mahin thla 23 chhung lekin hetiang scheme lian 21 hi a siamin, zirna tih­hmasawnna turin hma an la ve lo ang," tiin a sawi. 

Deb hian Nilaini khan wes­tern Tripura-a Khowai district-a Kalyanpur Higher Secondary School building thar a hawng a, state sorkar chuan academic session kal lai mek aṭangin NCERT curriculum a kalpuiṭan tih a sawi bawk. 

"School eduction quality tih­hmasawnna tura sorkar hma­lakna peng pakhatah zirtirtu training, school-a inzirtir dan enpui, zirtirtute hnathawh ṭhat leh ṭhat loh enfiah ṭhinte a ni.

School thar 50 chuang hawn a ni a, Bengali medium school 28 chu English medium school-ah leh a ni a, school library-te thuam ṭhat niin, school hrang hrangah an mamawh zualte pek an ni bawk," tiin CM chuan a sawi.