Meghalaya: Health facility 10-in NQAS certificate dawng

Meghalaya-a health facility 10 chuan India rama public health system ṭhat lam tehfung zawm ṭhat vangin National Quality Assurance Standards (NQAS) certificate an dawng.

Certificate hlanna hi Joint Directorate Committee (JDC)-in a kaihruai a, Joint Directorate Quality Committee (JDQC), district quality team-te, leh an thawhpui pawl hrang hrang bakah, MMDSL leh NHM-te pawh an tel a ni. Heng pawlte hian tehfung zawm a nih theihna atan training, mock assessment, gap-closure hmalakna, leh mentoring programme an kalpui a ni.

Certificate dawngtu zinga Ganesh Das MCH Hospital, Shillong; Marngar, Siju, Nongalbibra, Pomlum, Asananggre, Babadam, Wagesi, Salmanpara, leh Gabil-a primate health centre-te an tel. Hei bakah state puma SC HWC (AAM) 91 chuan NQAS certificate an dawng bawk.

Ganesh Das MCH Hospital hian nau neih leh nau piang enkawl kawngah sulhnu ṭha tak neiin OT, labour room, SNCU leh pediatric care service-te chuan certificate eng emaw zat an lo dawng tawh a ni.

Senior official-te chuan NQAS certificate chu chawimawina mai ni loin, healthcare hmasawnna lantirna leh healthcare ṭha zawk pek chhuah kawnga thil pawimawh tak a ni tih an tarlang. Health Department chuan quality tihchangtlunna tura hmalakna chu facility tam zawk neih chhoh a tum a, Meghalaya mipui tan healthcare him leh rintlak siam zel a tum tih a tarlang.