Arunachal Pradesh : Ziro-a bandh huaihawtin nunphung ti khaihlak

Arunachal Pradesh-a Ziro, Lower Subansiri district-ah Unity Gate sak mek duh lohna lantirin, Thawhlehni khan United Youth Joint Steering Committee (UYJSC) leh Bamin Michi Youth Association (BMYA) chuan bandh an huaihawt a, nunphung a tikhaihlak hle.

Shutdown hi nimin zing dar nga aṭang khan neih ṭan a ni a, tukin zing dar nga thleng a huam. Bandh huaihawt chuan transport service a tihbuai bakah, bazar leh office-te khar a nih avangin mi tam tak pawn chhuak thei loin an awm.

Unity Gate sak mek chungchangah BMYA chuan, Tanii Supuñ Dukuñ (TSD) chu tualchhunga ram neitute nen inrawnkhawmna mumal nei loa project kalpuiah an puh a, kum 2015-a a sakna tur hmun atana ruat tawh thlak danglamah an puh bawk. An pawl thuchhuahah nawrh huaihawt chuan hnam tih bik an nei lo tih an tarlang a,Unity Gate chu a sakna tur hmun dik takah sak a nih a, sak chhunzawm a nih hmaa ram neitute nen mumal taka inbiakna neih an phut a ni.