Bihar Assembly inthlanah TSR-in venhimna kalpui dawn

Bihar Assembly inthlan thawh hniha neih tura Tripura State Rifles (TSR) 400-ten venhim hna an thawk dawn. Tripura Home Department senior official chuan TSR contingent-te hi commandant Jyotishman Daschoudhuri chuan kaihruaiin, October 24, Zirtawpni zan khan special train-in Bihar an pan tih a sawi a, vawiin October 27 zing karah hian Patna an thlen an beisei.

Inthlan thawh khatna hi November 6-ah Assembly bial 243-a 121-ah neih tur a ni a, a thawh hnihna hi November 11-ah bial 122-ah neih leh a ni ang.

Ram chhunga inthlanpui leh hun pawimawh lian tham tak takah TSR hian venhim hna an thawk fo a ni. An force hian battalion 14 an nei a, a tam zawk chu India Reserve Battalion an ni dawn a, Union Ministry of Home Affairs-in a mamawh apiangin khawi state-ah pawh thawn theih an ni.

TSR battalion pahnih, sipai 2,000 vel awmna chu Tripura pawn lamah dah an ni. Battalion khat chu kum 2019 aṭang khan Delhi Police hnuaiah an thawk a, ṭhenkhat chu Chhattisgarh-a South Eastern Coalfields Limited-ah kum 2022 aṭang khan an thawk bawk a ni.TSR hi kum 1983 khan Central paramilitary force zulzuia din a ni.