Khandu-a'n Jeevan Pramaan Sensitization Programme hawng

Arunachal Chief Minister Pema Khandu chuan Thawhṭanni khan 'JeevanPramaan sensitiza-tion programme' a hawng.

Khandu chuan Jeevan Pramaan chu sorkar hna-thawk pension tawh te tana duan website a nih thu sawiin, ṭangkai taka hman a beisei thu a sawi. Tun dinhmunah Arunachal sorkar hnuai aṭanga pensioner mi 26,000 zinga mi 5,000 vel chu state chhungah an cheng a, a bak zawng chu hmun danga khawsa an ni. Pension te hian treasury office leh bank aṭang te in hlawh an la a, he mi kawngah hian mi
ṭhenkhat chuan harsatna an tawk ṭhin. Hemi atan hian 'JeevanPramaan sensitization programme' chu a ṭangkai hle thei dawn tih sawiin, a bikin state pawna awm te chuan an chhawr ṭangkai thei hle dawn a ni, Khandu chuan a ti. Arunachal CM chuan mipuite hrilh hriat kawnghah Audit & Pension, Infor-mation Technology & Communication leh NIC-te chu hma la tura tih an nih thu sawiin, district zawng zawngah kalpui tura hmalak a ni, a ti.

'JeevanPramaan sensitization programme' hawnna hun hi state chief secretary, princi-pal secretary leh Informa-tion Technology & Commu-nications officers bakah Audit & Pensions-a thawktu eng emaw zatin an hmanpui a ni.