Union Minister-te'n ram mipui sum an khawhral : Mukul Sangma

Meghalaya Chief Minister Mukul Sangma chuan union minister-te'n hmarchhak state hrang hrang an tlawh ṭhin chu ram mipui sum khawhralna mai a nih thu a sawi.

CM Sangma chuan, union minister-te'n hmar­chhak state hrang hrang a inchhawka an tlawh
ṭhin chu politics-a ham-
ṭhatna zawnna mai a nih thu sawiin, ram mipuite sum awmze neiloa khawh­ralna a ni, a ti. Prime Minister Narendra Modi-a kaihhruai NDA sorkar chu, hmarchhak mipui sum hmanga BJP huang zauh tumah puhin, tawpsan turin a ngen tih a sawi bawk. Tun hnai khan Union Minister of State for Environment, Forest and Climate Change Prakash Javadekar chuan Meghalaya a tlawh a, hemi denchhen hian Sangma hian heng thu hi a sawi nia ngaih a ni.

Javadekar bakah hian union minister-te chuan a khat tawkin hmarchhak state an tlawh fo a, hei hi Modi-a ruamhmanna a nih thu Sangma chuan a sawi. Minister-te hian tih tur ṭul leh pawimawh em em nei loin mipui sum khawhralin an zinkual niah a ngai. Sangma chuan party tinin an party ṭhatna turin ruahmannna an siam ṭhin a, chu mi zul zui chuan hma an la ṭhin tih sawiin, union minister-te erawh party sum niloa mipui sum hmanga chechhuak an nih avangin a ṭha lo hle a ni, a ti.