UNC-te'n truck an hal

United Naga Council (UNC)-te chuan Thawhṭanni khan Senapati district-ah truck an hal. UNC-te hian Manipur sorkar-in Sadar Hills leh Jiribam-te district-a hlankai tuma hma a lakna titawp tura phutin, nawrh an huaihawt mek a ni.

UNC-te'n truck an hal hi LPG cylinder phur a ni a, Dimapur aṭanga Imphal pana a tlan laiin he thil hi a thleng a ni. Gas cylinder-te hi a puak nia tarlan a ni a, driver leh handyman-te chu an him a ni. UNC-te hian truck dang pali vel an hreng mek nia sawi a ni bawk. Police-te chuan thil thlenna hmun hi an pan nghal a, pawikhawihtute zawn hna an thawk a, tun thlengin man an la awm lo nia tarlan a ni. He thil thlengah hian FIR ziahluh a ni tawh a, boruak duhawm lo a thl;n belh loh nan venhimna khauh zawka kalpui a ni.

Imphal-Dimapur leh Imphal-Jiribam inkar kawngpui pawimawhte dan chah a nih vang hian mipui nunphung a buai nasa hle a, thil man a sang chak hle bawk. Gas bur khat Rs 1,500 a kai chho tawh a, hetih lai hian petrol man chu Rs 300 aṭangin Rs 180-ah a tlahniam tawh thung.