Dimapur airport-ah cheng vbc 5.5 leh a neitu man

Bihar, Munger district-a sumdawng pakhat A Singh chu pawisa note thi Rs 500 leh Rs 1,000 note ṭhahnem tak a kawl vangin Nagaland-a Dimapur airport-ah tunkar Thawhlehni khan man a ni.

Airport official-in a tarlan dan chuan, A Singh hian pawisa fai cheng vaibelchhe 5.5 a kawl a, heng te hi Dimapur airport-ah man sak a ni a, amah hi central security agency leh Central Industrial Security Force (CISF)-te chuan an chhui chiang mek. A Singh hian jet hmangin Thawhlehni zing khan Haryana-a Sirsa a chhuahsan a, Thawhlehni vek khan Dimapur airport hi a thleng a ni. Airport-ah hian venhim hna thawktute chuan lo hrengin thu an zawtfiah a, man a ni zui ta a ni. A Singh hian Rs 500 leh Rs 1,000 note hlir vaibelchhe 5 chuang a kawl tih tarlan a ni.