Japan-in Manipur sorkar thawh-pui a duh : Japanese Ambassador

Japan sorkar chuan Manipur sorkar nen education, sports, arts leh culture-ah te nasa zawka inzawmna neih a duh niin Japanese Ambassador to India, Kenji Hiramatsu chuan Manipur Governor Najma Heptullah a hrilh.

Hiramatsu chuan, “Japan chuan Manipur-ah sports trainer tirh a hreh lo a, Manipur infiam mite pawhin Japan-ah training an nei thei ang" a ti. Manipur nen kawng hrang hranga inzawmna
ṭha neih chu Japan sorkar chuan a duh tih sawiin, chumi tihlawhtling tur chuan Japan sorkar a inpeih tih Hiramatsu chuan Manipur Governor a hrilh a ni. Governor Heptullah chuan Loktak Lake thenfai leh tihhmasawn kawngah Japan sorkar thawhpui an duh thu Hiramatsu chu a hrilh. Heptulla chuan Prime Minister policy pakhat Look East Policy tihhlawhtlin kawngah India chuan Japan sorkar thawhpui a duh tih a sawi bawk.

Japanese Ambassador to India, Kenji Hiramatsu hian Manipur Governor Najma Heptullah chu Tokyo-a Cherry Blossom Festival neih turah tel turin a sawm. Japanese Ambassador hian Manipur-a neih mek 'Sangai Festival' a hmanpui a, Governor nen hian inkawmna hun an nei a ni.