Assam-ah sakeiin mihring a bei

Assam-a Jorhat district-ah Ningani khan Royal Bengal tiger chuan mihring a bei a, a hnuah thah a ni.

Official-te'n an tarlan dan chuan he sakei hian Baghmora khuah mi pathum a bei a, thi an awm lo. Jorhat Divisional Forest Officer Sapon Saikia chuan chuan sakei hi Molai Kathoni forest aṭanga lo kal a nih an rin thu a sawi. Mita hmutute chuan sakei hi mihringte hian thing leh chemte hmangin an bei let a, an that zui ta niin an sawi. Sakei hian Ningani zing lam khan mi pakhat a bei a, a hnu darkar reiloteah midang a bei leh. Chawhnu lamah mihring bawk a bei leh a, mipui thinrim chuan sakei hi hmanraw hrang hrang hmangin an bei leh a, an that zui ta niin Jorhat additional SP Gunindra Deka chuan a sawi. Sakeiin a beih mi pathum te hi Jorhat Medical College Hospital-ah dah luh an ni.