Kasmir-ah Tripura mi BSF kaphlum

Tripura mi, Border Security Force (BSF) sipai Sambhu Satmura chu Thawhlehni khan Indo-Pak border-a patrolling an neih laiin kahhlum a ni. Sambhu Satmura hi 107 battalion BSF, F Company-a mi a ni a, Indo-Pak international boundar-a Poonch district, Jamia Wali Gali-ah Thawhlehni chawhnu lam khan kahhlum a ni. Sambhu-a ruang hi November 28-ah Tripura thlenpui beisei a ni a, sipai chawimawina famkim nen vuiliam a ni ang. Sambhu hian kum 2003 khan Border Security Force (BSF) a zawm a ni.