Mary Kom-in Arunachal a tlawh

Rajya Sabha MP, MC Mary Kom chuan kar kalta Inrinni khan Arunachal Pardesh tlawh-in Chief Minister Pema Khandu a titipui.

Mary Kom hi Ngurang Learning Institute (NLI)-te'n an buatsaih Mrs Arunachal-2016 hmanpui tura sawm a ni a, Inrinni khan Aruanchal hi a thleng a ni. Mary Kom hi a pasal Onler Kom bakah mi pawimawh eng emaw zatin an ṭawiawm a ni. Khandu chuan Kom-te nupa hi lo dawngsawngin, Aruanchal traditional dress a lo hlan a ni. Boxing-a world champion ṭum nga ni tawh Kom chuan,"Arunachal hi ka ngaina a, mipuite pawh ka unaunu leh ka unaupa te in ni, in zinga awm hi nuam ka ti hle a ni," tiin
ṭum hnih Arunachal tlawh tawh, Kom chuan nuam a tih thu a sawi.

Mary Kom chuan boxing khel tura thutlukna a siamin a chhungte ngei pawhin an thlawp loh thu sawiin, hlawhtling tura a kawngzawh a awlsam loh zia a sawi. Arunachal hmeichhia te chu huaisen taka ke pen tura a duh thu sawiin, mipa-te'n an tih theih chu hmeichhia pawhin tih ve tum tur a ni, a ti. Hmeichhia nih vanga mite ṭanpui beisei lo tur leh, mahni kea din tum turin 'Mrs Arunachal-2016'-a thu a sawiah a sawi chhuak. Kom chuan a tum ber chu India tana Olympic Games-a gold medal lak a nih thu a sawi lang bawk. Arunachal CM chuan Mary Kom chu ram tana gold medal a lak theih nan duhsakna a hlan ve bawk.