Sikkim: High-Level Task Force meeting-ah CM tel

Sikkim chief minister Prem Singh Tamang chu Thawhṭanni khan Tourism in the North Eastern Region tih thupui hmanga High-Level Task Force meeting vawi thumna neihah virtual in a tel.

Meeting hi Development of North Eastern Region (DoNER) minister Jyotiraditya M. Scindia-a'n a kaihruaia, union minister for tourism Gajendra Singh Shejhawat pawh a tel. Hmarchhak bial pumpuia tourism chawikan leh tihchak chungchangte an sawi ho.

Thawh hona tihchakna atan DoNER Ministry chuan High-Power Committee dinin, state pali- Sikkim, Arunachal Pradesh, Tripura, leh Meghalaya-te an tel a ni. Committee hian tourism sector-a remchang awmte hriatchhuah leh, harsatna an tawh chingfel tura lungrual taka an thawh ho theihna turin atan hma a la dawn a ni.

Chief Minister chuan sawi hona an neih pawimawh zingah, infrastructure tihchangtlung, tourism kalphung ngelnghet neih, intlawhpawhna tihpun, leh helai biala culture leh natural heritage tihhmasawnte a tel tih a sawi. Meeting-ah hian hmarchhak tourism danglam tak tak hmanga ram chhung leh ram pawn aṭanga khualzin rilru hneh thei tur siam chungchang pawh sawi ho a ni. Committee-a an thurel, tourism ṭhanlenna tur atana rawtna awmte chu tihfel a nih hnuah ministry-ah an theh lut leh ang.