Sikkim CM-in AP CM hmu

Sikkim chief minister Prem Singh Tamang (Golay) chuan Thawhṭanni khan Itaganar-ah Arunachal Pradesh chief minister Pema Khandu a hmu. 

Sikkim CM hi Sikkim power minister MN Sherpa, principal secretary DoP Tenzing Gelek, secretary SD Dhakal leh mi pawimawh dangten an ṭawiawm. Chief Minister pahnihte hian Sikkim leh Arunachal Pradesh-a tourism hmalakna hrang hrangte sawidunin, state pahniha tourism lam chawilarna tura inpuih tawn a, thawhdun an remti a ni. 

Arunachal CM chuan Sikkim aṭangin an state chuan zir tur tam tak an nei tih sawiin; tourism, hydropower leh agriculture sector-a Sikkim in hlawhtlinna a lo neih ang chu an state pawhin an neih ve theih ngei a beisei thu a sawi. 

Pema Khandu chuan prime minister Narendra Modi-a'n hmarchhak bialte ngaihsak a, union minister-ten hmarchhak state hrang hrang an tlawh fo chuan hmasawnna a thlen phah ngei dawn a ni, a ti.