Arunachal Pradesh: CM-in West Kameng-ah infrastructure project hawng

Arunachal Pradesh chief minister Pema Khandu chuan Pathianni khan West Kameng district-ah infrastructure project lian tham hawngin, heng zingah hian lei dawh leh zirna facility tihchangtlungna turte an tel.

Hei bakah Chug Valley-ah a u, MLA hlui Jambey Tashi hriatrengna atana Jambey Tashi Memorial Peack park siam a hawng bawk. Khandu chuan a social media X-ah thuchhuah siamin, Peace Park chu a unaupain remna a kalpui dan leh, khawtlang tana a rawngbawlna hriatrengna atan din a ni tih a tarlang.

Chug Valley, Dirang-a Peace Park chu inremna, lainatna leh mahni hmasialna nei lo rawngbawlna chhinchhiahna niin, huaisen taka mi dangte tana ke a lo pen tawhna ropui tak a lantir a ni, a ti. Dirang a tlawhnaah Khandu chuan Hing Thangkha-a sub-divisional secretariat sak thar chu home minister Mama Natung leh, MLA eng emaw zat telpuinain a hawng bawk.

Building ropui tak chuan department zawng zawng deuh thaw chu building pakhatah a hruai khawm tih sawiin, inrelbawlna rintlak nasa zawkin a tipung dawn a, mipui zingah vantlang rawngbawlna ṭha zawk a pe dawn a ni, tiin CM chuan a sawi. Dirang-ah Kharsa-a Meyong lui chungah metre 70-a thui double-lane steel bridge hawn a ni a, suspension bridge hlui tawh chu thlak a ni.

Khandu chuan infrastructure ṭha chuan mipui inkalpawhna a ti awlsam dawn a, administrative service-te chu Hing Thangkha-a sawn a awlsam phah dawn a ni, a ti. Dirang-a government higher secondary school sak thar chu hawng bawkin, he sikulah hian smart classroom, science leh geography laboratory, IT room, library leh conference hall- te dah a ni.