Nagaland: NHAK-in World Mental Health Day hmang

Naga Hospital Authority Kohima (NHAK) hnuaia District Mental Health Programme (DMHP) chuan Nagaland khawpui Kohima-a World Mental Health Day 2025 an hmang. He hun hi Psychology department, Sazolie College, Phezhu Jotsoma, education department, St. Joseph College (Autunomous), Jakhama leh Oriental College-te nen an buatsaih a ni.

Programme-a resource person- Ruokuotuonuo Rutsa, clinical psychologist, DMHP (NHAK) leh Veronica Nriame, psychiatric social worker, DMHP, NHAK-te chuan rilru hrisel nei tura inzirtirna neih pawimawhnate an tarlang. An thupui: 'Access to services - mental health in catastrophes and emergencies' tih an sawi zaunaah, khuarel chhiatna, buaina, leh vantlang hriselna kawnga harsatnate chuan rilru lamah nghawng ṭha lo a thlen tih sawiin, mi panga zinga pakhat zelin rilru lamah harsatna an tawk tih an tarlang.

Khawvel puma inthlak danglamna thleng karah, mipuite chuan an rilru hriselna an ngaih pawimawh a tul dante an tarlang bawk. Mi nun chhanhim, harsatna hmachhawn tura chakna pek bakah mimal chauh ni loin, khawtlang anga in din thar lehna tur a nih thu an sawi. He hunah hian stress management leh mental health well-being-te pawh sawi ho a ni bawk.