Nagaland : PMAY-U hnuaiah chenna in 30,000 dawn sa zo tawh

Nagaland State Mission Directorate chuan, Pradhan Mantri Awas Yojana-Urban (PMAY-U) scheme hnuaiah chenna in 30,000 dawn sak a ni tawh tih puangin, 96% zawhfel a ni tawh tih an sawi. Sorkar laipui housing programme sponsor scheme thawh ṭhat lama hmarchhak biala a tiṭha ber zingah an tel.

Mission director, Temjenrela Kechu chuan kum 2016-a PMAY-U hman ṭan a nih aṭangin a chhawr ṭangkaitu mi sang chuang hnenah instalment vawi thum pek an ni tawh a, a thawh khatnaah chenna in pakhat sakna atan Rs nuai 1.5 sen a ni tih a sawi. He hmalakna hian mi rethei leh hnuaihnung zawkte chenna in ṭha zawk a pek mai bakah, hna thawh tur a siam a, khaw hrang hrangah infrastructure hmasawnna a awm phah a ni.

Chumoukedima Town Council Hall-a Angikaar 2025 campaign hnuaia PM Awas Mela- Shehri vawi hnihna buatsaihah, director chuan Angikaar hmalakna chu PMAY-U 2.0 kalpuina tur a nih thu a sawi. Sum lama ṭanpuina chu Rs nuai 2.5-ah tih pun a nih thu a sawi bawk.

Official-te chuan PMAY-U 2.0 chu kum nga chhung kalpui a ni dawn tih sawiin, thingtlanga mi retheite leh middle-income chhungkuate ngaihpawimawh an ni dawn tih an tarlang.