Manipur-a Naga ten kawng an zawh dawn

Manipur state-a Naga awmte chuan December 17 hian Indo-Naga peace accord an thlawpna lantirin kawng zawh an tum. 

Thawhlehnia Senapati-a United Naga Council (UNC) presidential meeting-ah kawngzawh hi an rel a ni. Kawngzawh hi December 17 chawhma dar 11 aṭangin Naga district headquarters paliah neih a ni dawn tih an sawi. UNC coun­cil meeting chuan Manipur-a Naga MLA zawng zawngte chu, De­cember 18-a Governor-in spe­cial assembly session a kohah pawh tel lo turin an ti bawk. 

Coordination Committee on Ma­nipur Integrity (COCOMI)-in Nov 28-a Naga peace talk-in Manipur ram chin a nghawng duh lohna lantirna resolution an siam chu an dem thu UNC chuan a sawi bawk. COCOMI chuan Naga mite ham­ṭhatna an dawng tur reng reng a dodal sak nia sawiin, hetianga ngaih­dan an nei chu pawi an tih thu a sawi.