Meghalaya : CM-in MPSC building hawng

Meghalaya chief minister Conrad K Sangma chuan Inrinni khan Dakopgre, Tura, West Garo Hills-ah Meghalaya Public Service Commission (MPSC) building thar hawngin, ṭhalaite tan hmun hla tak taka kal ngai loin, exam leh interview awlsam takin an hmachhawn thei dawn tih a sawi.

CM Sangma chuan MPSC office thar chuan Garo Hills aṭanga candidate-te phurrit nasa takin a tiziaawm dawn tih a sawi a, a hmaa exam hmachhawn tura darkar 10 aṭanga darkar 15 an zin ngai ṭhin pawh a titawp dawn a ni, a ti. Mi tam tak chu an zin veivahna avangin an hriselnain a tuar ṭhin a, hahchawlna hun awm loin exam an hmachhawn a ngai ṭhin a;hei hian an exam-na thlengin nghawng a nei niin a sawi. Mahse, facility tharah chuan zirlaiten exam leh interview chu Tura-ah an nei thei tawh dawn a ni, a ti.

Conrad chuan centre tharah hian MPSC exam hmasa ber chu kumin November 14 hian neih a ni dawn tih sawiin, Jaintia Hills leh Meghalaya hmun hrang hrangah sak a ni dawn tih a sawi bawk.

Hawnna inkhawmah hian Meghalaya Legislative Assembly speaker, Thomas A. Sangma chuan MPSC office thar chu langtlang, rintlak leh mipui ngaih pawimawh lama hmalakna a nih thu a sawi. Hawnna inkhawmah hian West Garo Hills deputy commissioner, Vibhor Agarwal, MPSC chairman Abraham T. Monin leh official dangte pawh an tel.