Meghalaya: CM-in West Jaintia Hills-a project thawhte tlawh

Meghalaya chief minister Conrad K Sangma chuan Amlarem Sub-Division, West Jaintia Hills hnuaia project thawh mek eng emaw zat tlawhin zirna, hriselna, infiamna leh thingtlang inrelbawlna kawnga hmasawn dante a enfiah. Chief Minister hi Education Minister leh bialtu MLA Lahkmen Rymbui bakah, sorkar official leh tualchhung aiawhten an ṭawiawm.

CM Sangma chuan Rs vbc 45 senna tur, Umladkhur khuaa Eklavya Model Residential School (EMRS), WAPCOS Ltd., New Delhi-in a sak mek chu a endik bawk a, hna hi 70% thawh zawh tawh a ni. Sak zawh a nih hunah chuan helai biala tribal zirlaiten zirna ṭha leh changkang zawk an dawng thei dawn tih Sangma chuan a sawi. A hun taka sak zawh a nih theihna turin leh, nakkuma hman ṭan a nih theihna tura hma la turin project thawktute a hriattir.

Chief Minister leh Education Minister-te hian Jarain-a khum 50 awmna tur Sub- Divisional Hospital sak mek an tlawh bawk. He damdawi-in hi Rilum Jaintia huam chhunga damdawi-in lian hmasa ber tur niin, state-a khum 50 awmna facility pahnihna tur a ni bawk. Project hi Rs vbc 11 senna tura ruahman a ni a, December 2022 khan thawh ṭan a ni. Sarma chuan thingtlanga healthcare tih chak chu sorkarin a ngai pawimawh tih a tarlang. CM hian Block Integrated Development Complex, Amlarem Community and Rural Development (C&RD) Block a hawng bawk a ni.