Nagaland leh Assam researcher-ten ram hmul damdawi zirchiang

Nagaland-a central university awmchhun, Nagaland University-a research team-te leh, Assam-a private university thawk dun chuan Meghalaya ram ngawah ram hmul damdawi chi khat, Goniothalamus simonsii chungchang zirchianna an nei.

He ramhmul damdawi hi pum lam ṭha lo, hrawk na, typhoid, leh malaria enkawlna atana hman ṭhin niin, scientific emaw pharmacological emawa zirchian a la ni ngai lo. Zirchianna hi Dr Mayur Mausoom Phukhan, Nagaland University leh zirlai Samson Rosly Sangma-te kaihhruainaa neih a ni.

Nagaland university official-te chuan zirchianna an neih aṭangin, G. simonsii-ah hian bioactive phytochemical ṭhahnem tak a awm tih an hmu chhuak a, antioxidant, antimicrobial leh anticancer a awm tih hmuhchhuah a ni bawk tih an sawi.

Zirchianna leh enchhinna hmangin team chuan he ramhmul damdawi aṭang hian cancer enkawlna atana hman theih a awm tih an hmu chhuak a, cancer damdawi atana hman theih siam chhuah kawngah a pui thei dawn tih an tarlang. An thil hmuh chhuah hi October khan journal-ah an tarlang.