Nagaland: Union Finance Minister-in AI & Skills Centre hawng

Union finance and corporate minister, Nirmala Sitharaman chuan Inrinni khan Nagaland Tool Room & Training Centre (NTTC), Dimapur-ah AI & Future Skills Centre of Excellence hawngin, state-a CSR thlawpna hnuaia thiamna lama investment neihna tura pawimawh tak a nih thu a sawi.

Sitharaman chuan he hmalakna hi hmasawnna ropui tak a nih thu sawiin, kum eng emaw zat liam ta khan company hrang hrangte chuan Nagaland chu CSR kalpuina atan a tling tawk lo tih an sawi fo tawh thu a sawi a, kum 2022-a CSR conclave neih hnuah, zirna inte chuan ṭhalaite tan CSR fund hmangin state-ah investment neih a ṭul tih an hmu chhuak a ni, a ti.

Minister chuan Nagaland-ah tun dinhmunah CSR-driven skill institution pahnih a awm tawh tih a sawi. Tata Group kaltlanga NIELIT-in a enkawl chu Kohima-ah awmin, semiconductor leh electronic lam thlurbing a ni a, CYIENT Foundation-in NTTC a thawhpuina hnuaiah Dimapur-ah artificial intelligence, robotic, 3D design leh technology hmanga thil siam chhuah lam thlurbing a ni thung.