AIBA-in ‘Legends Award’ Mary Kom hlan dawn

Manipur boxer chhuan-vawr M C Mary Kom chu International Boxing Association (AIBA), 70th anniversary pualin ‘Legends Award’ hlan a ni dawn a, award hi December 20-ah hlan a ni ang.

Olympic bronze-medalist Mary Kom chuan AIBA President leh official-te chungah lawmthu sawiin, award a dawng tur chuan a tiphur tak zet tih a sawi. AIBA-te'n an anniversary puala award an siam chu fakin, boxer naupang zawkte tan phurna nasa tak a pek ngei a rin thu a sawi. ‘Legends Award’dawng tura an thlan chuan amah ngei pawh phurna nasa tak a pek thu sawiin, a dam chhunga a hriat reng tawh tur thu a sawi a ni. Amah mai bakah boxing khawvel tan thil chinchiah tlak tak a ni, a ti bawk.

AIBA hian an kum 70 tlin lawmna an nei mek a, December 20 khian award hi an sem dawn a ni. Mary Kom hi vawi eng emaw zat Asian champion a lo ni tawh a, AIBA brand ambassador nihna a lo chelh tawh a, world champion ṭum nga a ni tawh bawk. Tunah hian Rajya Sabha MP ni lai mek a ni.