Smriti Irani-in Imphal-ah Apparel Centre hawng

Union Minister for Texiles Smriti Jubjin Irani chuan Pathianni khan Manipur khawpui Imphal-ah Apparel & Garment Making Centre a hawng a, Chief Minister Okram Ibo-bi Singh chuan a hmanpui.

Imphal-a Apparel & Garment Making Centre hi Union Textile Ministry hmalaknaa North-East Region Textile Promotion Scheme (NERTPS) hnuai-ah din a ni a, Mani-pur Hand-looms and Handi-crafts Development Cor-poration (MHHDC) chuan project hi kalpuiin, NBCC chuan centre din nan hian kum thum chhung hna an thawk. Centre thar hawn takah hian khawl 100 dah a ni a, a senso cheng vaibelchhe 18.18 chu Union Textile Ministry-in a tum a ni. NERTPS hnuaiah hian Apparel Center dinna turin state tin te chu cheng vaibelchhe 18.18 pek an ni. Manipur sorkar chuan centre din nan hian ram acres 1.5 a zau, Imphal-a Lamboikongnangkhong-ah a ruahman a ni.

Smriti Irani chuan Apparel Center chu ṭang-kai taka hman a beisei tih sawiin, state hmasawnna thlen ngei tura a duh thu a sawi. Hmarchhak state eng emaw zatah Apparel Center chu hawn a nih tawh thu sawiin, intodelh nan bakah state danga thawnchhuah tharchhuak thei tura ṭan la turin a fuih bawk.