Nagaland-ah SAKHI centre hawng

Nagaland khawpui Kohima-ah kar kalta Zirtawpni khan state social welfare misniter Kiyanilie Peseyie chuan “SAKHI” One Stop Centre a hawng.

SAKHI centre hi hmeichhia hleihlenna tuarte chhawm­dawlna leh ṭanpuina tura tih a ni. Minister Kiyanilie Peseyie chuan SAKHI chu mi zawng zawng tana din a nih thu sawiin, mamawhtute hnena ṭanpuina pek leh an harsatna sukiang tura hma latu tur a nih thu sawiin, mipui te hnena zirtirna petu an ni, a ti. Sorkar laipui chuan hmeichhia te tan women helpline scheme (181), one-stop centre leh scheme dang eng emaw zat a kalpui tih a sawi. Peseyie chuan Nagaland state social welfare board (NSSWB) leh state resource centre for women-te hmalaknain “Mission Effloresce” leh “First Generation Women Entrepreneurs”-te kalpui tura hma lak mek a ni, a ti bawk.

Social welfare secretary Dellirose M. Sakhrie chuan SAKHI hawnna hun hi a hmanpui a, hmeichhiate chunga hleihlenna thleng ṭhin titawp turin mipuite ṭanrual a ngaih thu sawiin, hmeichhia hetiang tawk zinga sawi chhuak lo an awm ṭhin chu a pawi hle a ni, a ti.

Nagaland-ah hian hmeichhia hleihlenna tawk zinga 11.5% zet chuan an sawi chhuak lo nia tarlan a ni.