Guwahati hi Airline hmunpui a ni thei : SpiceJet Chairman

Assam khawpui Gu-wahati chu airline hmunpui a nih theih thu SpiceJet Chairman leh Managing Director ni bawk Ajay Singh chuan a sawi.

SpiceJet Chairman Singh hian kar kalta Inrinni khan Delhi Alumni Association-te buatsaih “Create jobs, Enhance skills, Promote entrepreneurship” tih thupui hmanga seminar neih chu a hmanpui a, he thu hi a sawi a ni. Guwa-hati chuan kawng hrang hrangah airline hmunpui ni thei turin hmun hma a nei ṭha tih sawiin, hmarchhaka khawpui lian leh pawimawh a nih bawk avangin a ṭha hle dawn a, hei hian ṭhalai tam tak tan hna thawh tur a siam sak dawn a, state tan hmasawnna thlentu pawimawh tak a ni thei dawn a ni, Singh chuan a ti.

SpiceJet chuan hmar-chhak mi hnathawk eng emaw zat a ruai mek tih Singh chuan sawiin, an taimain an huaisen a,
ṭawngah pawh harsatna an nei lo tih a sawi. Guwahati chu India rama airport lun ber pawl a nih phak thu sawiin, Jorhat leh Lakhimpur bakah hmun dangah te Airport din belh ni thei se a duhawm hle a ni, a ti. Assam sorkar nen thawk dunin Guwahati chu SpiceJet hmunpui pakhatah siam turin hmalak mek a ni a ti a, Lokapriya Gopinath Bordoloi International Airport chu ṭangkai zawka hman tum a nih thu a sawi. SpiceJet chu hmarchhak mipuite tana thawk an nih thu SpiceJet Managing Director Ajay Singh chuan a sawi bawk.