Jail tangte Gauhati High Court-ah zualko

Gauhati High Court chuan Thawhṭanni khan sorkar laipui leh Assam sorkar-te chu jail tang te pawisa thleng theih hun chhung siamsak turin a hriattir a, December 2 ral hmaa hrittirna pe turin a ti.

Guwahati Central Jail-a tangte chuan November 23 khan court-ah petition an thehlut a, sorkar laipui, Assam sorkar, Reserve Bank of India leh jail authority-te chu pawisa thleng theihna hun remchang siamsak turin an ngen. Vawi khatah Rs 50,000 aia tam dah luh theih a nih loh avangin, pawisa thi Rs. 500 leh Rs. 1,000 thleng turin harsatna an tawk tih an tarlang a, pawisa thleng tur hian jail thuneitute chu hun siamsak turin an phut tih sawiin, bank-a anmahni ngei kal phalsak turin an phut.

Jail tangte aiawha ding Advocate Amit Goyal chuan High Court chu remchang siamsak turin a phut tih sawiin, pawisa thleng theih dan kawng hawnsak an nih loh chuan natural justice bawhchhiatna a ni a, India danpui kalh a ni, a ti. Goyal chuan an tan hian hun hawn sak an nih loh chuan state sorkar, sorkar lapui leh SBi-te'n chuan India danpui Article 14 an bawhchhia a ni, a ti bawk.