District pek leh pek loh state sorkar thu : Manipur CM

Manipur Chief Minis-ter Okram Ibobi Singh chuan district pek chungchangah sorkar laipui leh National Socia-list Council of Nagaland - Isak-Muivah (NSCN-IM)-te thurawn lak a nih loh tur thu sawiin, state sorkar thuneihna a ni, a ti.

Naoriya Pakhanglakpa block congress commi-ttee buatsaih political conference-ah he thu hi Manipur CM chuan sawiin, district pek chung-changah state sorkar chuan midang a rawn lo tih a sawi. Singh chuan UNC-te'n district pek tum duh lohna lantira Natioanal Highway kawngpui pawimawh pahnih an dang chat chu a dem takzet tih a sawi a, tawpsan turin a ngen. Sorkar laipui chuan NSCN-IM-te chu UNC-te'n kawngpui dan an tihtawp theihna turin a dawr tur a ni, a ti.

CM chuan National highway chu ram mipuite ta a ni a, pawl leh hnam anga lo dan chu India danpui kalh a ni, a ti. NH dan a nih chuangchangah hian Supreme Court pawhin dan kalh a nih thu a tarlang. Manipur CM chuan, NH dan leh National Sports University din tura hmalakna chu BJP chuan politics lamah a kaiher niin a sawi a, sorkar laipui leh NSCN-IM-te'n framework agreement an ziah chu awmze nei lo niin a sawi bawk.

Political conference hi MPCC president TN Haokip, Home Minister Gaikhangam, Commerce & Industries Minister Govindas Konthoujam, Revenue & Law Minis-ter I Hemochandra, Social Welfare Minis-ter AK Mirabai, Edu-cation Minister Kh Ratankumar, MLA Dr I Ibohanbi Congress hruaitu ṭhenkhatten an hmanpui a ni.