Meghalaya : VPP-in MLA scheme kalpui dan chhui chian phut

Meghalaya-a Voice of the People party (VPP) president, Ardent Miller Basaiawmoit chuan National Peoples Party (NPP) sorkar chuan MLA scheme kalpui a nih dan chhui chiang turin a phut.

Basaiawmoit chuan Chief Minister Office-ah a thil phut chungchang tarlanna lehkha hi Thawhlehni khan a thehlut a, party hruaitu dangten an ṭawiawm a ni.

An lehkha thehluhah VPP chuan MLA scheme chungchangah tun hnaia chief minister Conrad K Sangma thusawi chuan ngaihtuah zui ngai tak a ni tiin, CM hian constituenty ṭhenkhat, a bikin eptu MLA bialah scheme hi an kalpui ṭha lo niin a sawi a ni, a ti. Hei vang hian Chief Minister chu MLA scheme mumal zawka kalpui a nih theihna tura hma la turin a ngen a, an party chuan langtlang taka scheme kalpui an thlawp thu an sawi a, an MLA-te pawh rintlak taka scheme kalpui tura an hriattir thu a tarlang.

VPP President chuan sorkar chu state puma MLA scheme kalpui danah independent inquiry nei turin a ngen. Kum 2008 aṭanga chhui ṭan tura ngenin, a constituency, 22-Nongkrem ah bul ṭan turin a ngen bawk. Hetianga MLA scheme kalpui dan chhui chian a nih chuan mipui pawhin scheme chungchang leh kalpui dan pawh an hrethiam dawn tih an sawi bawk. Dik lo taka thiltite chu an party chuan an enliam mai dawn lo tih a sawi a ni.