Assam-ah thingpui huan 800 a awm

Assam state-ah Plantation Labours Act, 1951 hnuaia thingpui chinna hmun 800 a awm a, heng hmunah hian hospital 434 leh dispensary 584 a awm bawk. 

Thingpui huan tinte hi doctor nei vek tura tih  ni mah se, 279-ah chauh doctor hi an awm a ni. Nilainia state assembly-a Congress MLA Durga Bhumiji zawhna chhangin Panchayat and Rural Development Minister Naba Kumar Doley chuan hemi chungchang hi a sawi a ni. Minister chuan thingpui huana thawkte tana healthcare service ṭha zawk siam tura sorkar hma lak dan hrang hrangte a sawi lang bawk.