Manipur : DoNER Minister-in infiamna tihhmasawn dan ennawn

Manipur governor Ajay Kumar Bhalla leh union minister of development of the North Eastern Region (DoNER), Jyotiraditya M. Scindia-te chuan Nilaini khan hmarchhak biala infiamna tihhmasawn chungchanga High-Level Task Force (HLTF) meeting, video conferencing hmanga neih vawi thumna leh a tawpna an kaihruai.

Union minister of state for youth affairs and sports, Raksha Nikhil Khadse; Ministry of Youth Affairs secretary Hariranjan Rao; Meghalaya leh Mizoram sports miniter; Manipur Chief Secretary; DoNER Ministry official-te; leh hmarchhak bial senior officer-te chu meeting-ah hian an tel a ni.

Meeting-ah hian hmalakna kalpui mek hmasawnna thlirletna neih a ni a, infiamna lama thiamna nei zawn chhuah leh, high-performance system tihchakna tur sawi ho a ni. Sports ecosystem hmasawnna atana thil pawimawh tak tak; scientific coaching methodology, competition structure, last-mile infrastructure, leh high-performance center bakah academy din pawh sawi ho a ni bawk.

Scindia chuan 'One Sport Discipline - One State' chu hmarchhak biala infiamna tihhmasawnna atan a pawimawh thu a sawi. State-te chu discipline siam ṭhat ngai pawimawh hmasa tur leh, ecosystem awmsa hmang ṭangkai tur te, hun rei tak daih tur an thiam leh theihna lantir thei ruahmanna kimchang siam turin a fuih.