Nagaland-ahdetention camp siam a ni lo : Sorkar laipui

Minister of state for home affairs Nityanand Rai chuan Na­galand-ah National Register of Citizens (NRC) a tello te dahna tur detention camp siam a ni lo tih Nilainia Parliament inkhawmah a sawi. 

Minister hian Nagaland-ah detention camp siam nia sawi chung chang zawhna, Rajya Sabha-a ziaka a chhannaah hei hi a tarlang a ni. NRC hi Assam state-ah kalpui niin, August 31 khan final list pawh tihchhuah a ni tawh. Mahse final list-ah hian mi nuai 19 chuang zet an tel lo. 

Union home minister Amit Shah hi NRC hi India ram pumah kalpui a ni dawn tih a sawi. Hetihlai hian Assam-a BJP kaihhruai sokar chuan an state-a NRC kalpui a nih dan chu a felfai tawk lo tih sawiin a lungawi thlak loh thu a sawi. Bang­ladesh ramri bula district-te chu enfiah ṭhat an duh thu a sawi.