Manipur sorkarin officer 82 a ban

Manipur sorkar chuan kum 2016-a State Civil Services examination kalpui dan a fel tawk lo nia sawi a, court in thupek a tihchhuah hnuah officer 82-te a ban. 

Sorkar chuan November 22-a Supreme Court thupek bawhzuiin, kum 2017 April 18-a appointment letter a tihchhuah, officer-te chu an service aṭangin a ban leh vek a ni. Kum 2016-a Manipur Civil Service Commission (MPSC) in Main Examination a buatsaih danah thil dik tawk lo a awm nia sawiin, he examnaa beitu zinga tling ta lo candidfate ṭhenkhat chu Manipur High Court-ah an zualko a ni. 

High Court chuan hemi chungchang chhui tur hian member pahnih awmna committee a din nghal a ni. Committee chuan a chhui hnuah, thil dik lo leh inmil tawk lo te a awm ngei tih a hmuchhuak a, answer scrip-ah examiners' signture te a awm loh bakah, mark pek dante pawh a dik tawk lo tih a sawi niin petition thehlutte aiawh, advocate Pushpa Gurumayum chuan a sawi. 

October 18 khan High Court chuan appointment order hi sut turin a ti a, mahse  hemi rual hian thla tum chhungin exam neih dan chungchang hi chhui turin Central Bureau of Investigation (CBI) chu a hriattir bawk.